[mr_scorpionman]

ده رد الاخ Fady Onsy Amin فى بوست ليه ونشره على الفيس بوكك



النصب كتير، مرة كيو نت، و مرة اوبيس .. و المرة دى جلوبال اد مارت ..
بس النصباية المرة ادى --(( أكبر ))-- من اى نصبة لأن مفيش شركة اصلا!!، و فى ناس عاملة ناصحة اوى و متخيلة انها هتكسب منها و مش عاااارفة انه ممكن فجأة الشركة تقفل على صباعها !! و تخسر فلوسها !! و المكسب اللى شوفته ده شوية فكة من الفلوس اللى انت دفعتها اصلا !! ...
ايوة الشركة هتقفل على صباعك و انت اللى هتخسر و الشركة مش هتعيش اسبوعين تلاتة على بعض ...

النصباية فكاهية جدااا و لكن بيقدموا كلام مقنع ظاهريا و لكن مبنى على معلومات غلط × غلط للى يدور ورا كل معلومة زى اى نصباية فى الدنيا ..
و عشان حرام يضحك عليك، او حتى تورط غيرك فى نصبايه او حتى تكسب فلوس حرام و تقول "انا مالي" و تدعى البراءة و انت عارف اللى فيها .. و فجأة لما الشركة تقفل تلاقى الناس تحت بيتك عايزه فلوسها و تقولك : انزل يا نصاااااااب .. تعالالنا!!

<<<< جو اكشن بس هيحصل والله
هتتقطع !!! الناس مش هتسيبك، انا حذرتك اهو !!


النصباية باختصااااار شديد و ايجاز ..
واحد نصاب هندى (ياريته حتى يابانى و لا تايوانى عشان يعيش !!) لسه فى 3 اعدادى ضحك على مصر كلها و شغلهم مناديب عنده.
و كل مندوب كبير هو نصاب كبير مشغل نصابين صغيرين تحته، و النصابين الصغيرين تحتهم نصابين كمان و هكذا شجرة كبيرة جداا ..
النصاب الصغير اللى تحت النصاب الكبير، ده بيجيب مثلا 5 اشخاص عشان يشتركوا و ياخد منهم 500 دولار !! يعنى 3500 جنيه مصري .. 5×3500 = 17,500 جنيه .. ياخد هو عمولته 5 الاف جنيه من النصباية و يحول للنصاب الكبير بتاعه الباقى ..
و يقولك هتكسب كل اسبوع 50 دولار بس لازم تنتظر شهر فى الاول ما تقبضش حاجة .. تيجى انت تطلب فلوس اعلانات بعد 5 اسابيع من الانتظار، ممكن يدفعلك مرة او اتنين، يديك مثلا 300 جنيه من الـ 3500 جنيه اللى انت دفعتها .. لو طلبت كذا مرة فلوس .. يقولك: لا، لازم تشتغل و تجيب ناس لان كده انت ممكن تلم فلوسك و انت مش جايب حد يتنصب عليه .. فلازم تاكل من عرق نصبك على الناس :] .. لكن محدش هيصرف عليك و لا يرجعلك فلوسك ..

يعنى عشان تكمل معانا، لازم تنصب ...
عشان تاخد فلوسك، لازم تنصب ...
و لو كملت معاهم و قررت انك تنصب، بتكسب من النصب على الناس و تاخد عمولة و تحول للنصاب اللى فوقيك .. و هكذا ..


الشركة بتاعتنا المرة دى اسمها GlobalAdMart او LocalAdClick او GlobadAdWorld و بتغير اسمها كل فترة .. و ظهرت فى شهر 10 باسم "لوكال اد كليك" و غيرت اسمها فى شهر 1 و بقت "جلوبال اد مارت" .. المهم بتدفع فيها 500 او 900 او 1300 دولار .. عشان تفتح حساب و بتكسب شهريا 200 او 400 او 600 دولار شهريا على حسب ما دفعت فى الاول ..
و غالبا الناس بتطمع و تدخل باكاونت تريبل بـ 1300 دولار عشان يكسب الـ 600 دولار شهريا ..

<<<< ناس طيبة اوى والله يا خال

و بتبدأ تشوف 60 اعلان فى الشهر. مدة كل اعلان 30 ثانية يعنى محتاج 30 دقيقة عشان تكسب اكتر من 4000 جنيه شهريا !! غير باقى افراد العيلة لو اشتركت انت و اخوك و اختك و باباك و مامتك و هكذا + كمان لو جبت ناس تحتك تاخد منها عمولات و غيرها كتيييير ...

احنا بنتكلم عن 12 او 16 الف جنيه على الاقل ممكن تدفعهالك شركات الاعلانات (بيبسيى و المراعى و شيبسي و HP و Dell و هيونداى و هكذا ..) عشان تشوف بس اعلاناتها .. كفاية تشوف الاعلان مش تشتري

>>>>> يعنى وليد اللى فى اولى ثانوي فى قرية "ابو الوزاويز" شركة نستلة او المراعى هتدفعله 1400 جنيه على الاقل عشان يشوف اعلانات .. فيقرر وليد انه يروح يشترى زباد، فيكتشف ان مفيش سوبر ماركت اصلا فى بلدهم!
مع احترامى طبعاً للناس كلها، بس دى نكتة و لازم تضحك !!!
فييييييين ام الجدوى الاقتصادية من الاعلان عشان الشركة تدفع !!!!؟

الكلام فكاااهى و كوميدى جدا ..و يثير الف سؤال و سؤال جواك .. لكن النصاب لازم يقدم مبررات قوية بدون معلومة سليمة تبدأ انه يقنعك انه ممكن تكون فى شركات اصلا تقبل تدفع الارقام دى عشان تشوف اعلاناتها و يبدأ بالكلام عن إن اعلان التليفيزيون الشركة بتدفع فيه و محدش بيشوفه و عشان كده قررتت تروح تعمل اعلانها بالشكل الساذج ده، و كمان يوريك ناس بدأت تكسب فعلا .. !


و الدليل المبدئى: ان الشركة مش فاتحة التحويل البنكى اصلا لحد دلوقت!! على الرغم ان ليها سنين على حسب كلامهم .. يعنى شركة قديمة المفروض و تكون حولت مليارات الدولارات لمصر فى السنين اللى فاتت ...


**********************************
شوية ملاحظات مهمة جدااااا .. اقراها كويس و هتفهم ان مفيش شركة اصلا ... و الكلام كله موثق، اللى يقولك كلام مختلف طالبه بعكس الكلام اللى هنا ...
**********************************

اقرا كلامى، كذا مرة و اديله درجة مصداقية 0% و ارجع دور فى النت و اتاكد منه ..

اسئلة فى السريع ؟
* ازاى الشركة تدفعلى 10 دولار عشان اشوف اعلان؟ مش كتير ؟

* انا كده ممكن اكسب من بيبسيى وحدها 350 جنيه فى الشهر و انا لو هشرب بيبسي كل يوم مش هدفع 30 جنيه اخر الشهر ! و كمان مش هشرب كل يوم ..

* ليه الشركة مش تدفعلى على طول؟ ليه لازم ادفع 500 دولار دمغة مثلا !؟ انا موافق اكسب 1 دولار على الاعلان و ما ادفعش حاجة.

* حتى لو انا راجل على قدى خااالص و مش معايا .. هستلف الـ 500 دولار و انطلق بعدها و ابقى راجل مرتاح!! و انا بتفرج على اعلان و باخده ببلاش كمان!

* ازاى كل بيت ممكن يحقق اكتر من 15 الف جنيه كل شهر يعنى 2400 دولار، الناس هتبطل تشتغل و تاخد فلوسها من الشركة و تروح تشترى بيها المنتج اللى دفعتلنا الشركة فلوسه و بزيادة كمان

* ليه اصلا 10 دولار مش 100 دولار مثلا للاعلان !!؟ او حتى نص دولار .. اشمعنا 10 دولار !!؟

* لو افترضنا ان مصر فيها مليون شخص فقط اشترك، و هيشتركوا فى اقل حاجة اللى هى 200 دولار و محدش هيجيب حدا و مفيش عمولات، يبقى الشركة هتدفع 200 مليون دولار شهريا! ازااااى !!؟ ازاى تدفع 2.4 مليار دولار فى السنة !!!؟
و احنا هنموت على 4 مليار دولار من صندوق النقد لينا سنة !!

* مصر كلها مش لاقية تاكل اصلا .. يعنى اتوقع اصلا 92 مليون مشترك، يعنى كده الشركة تدفع لينا 220 مليار دولار فى السنة !! و ده اكبر اصلا من الناتج المحلى الاجمالى لمصر اللى هو 215 مليار دولار !!
http://ar.wikipedia.org/wiki/مصر

مجرد اسئلة يفكر فيها اى عاقل !!


تعالوا بقى اكلمكم فى الكلام اللى انا افهمه من خبرة 8 سنين فى الويب ماركتنج و غيري يفهمه من اللى شغال فى المجال ده ..


•• 1 •• اولاً من الحاجات الظريفة اللى فى الشركة
§§ السيرفر و الموقع بيقع بالايام و يقولوا صيانة، و اعتقد دى كفاية انك تقتنع انها شركة من منازلهم
₪¤₪ المفاجأة بقى اللى اكتشفتها، ان صاحب الموقع لسه محتفظ بالموقع القديم على الموقع الجديد، شوف من هنا http://www.globaladmart.com/new/
و ده طبعا مش شغل شركات اصلا !! دى غلطات ساذجة جدا لان اللى بيدير الموقع شخص واحد اعتقد انه فى 3 اعدادى مثلا !!
§§ صاحب الموقع الساذج، واخد لوجو من موقع قديم اسمه IMS Global
http://www.imsglobal.org/
مش هاين عليه يعمل لوجو لنفسه !!
§§ تغيير اسم الموقع كل شوية دليل على التهرب بعد ما نصب على السعوديين من فترة
§§ لو حاولت تعمل اعلان هتلاقى الصفحة بايظة، جرب من هنا
[IMG]http://www.globaladmart.com/contactus.html[/URL]
و ده تهريج لايمكن تلاقيه فى موقع ابو الليف حتى !!
§§ فى اخطاء كتيرة فى اللينكات اللى علي شمال الشاشة و انت داخل، و تصميم الموقع ستامبة جاهزة بما فيه السيستم بتاع الموقع بيتباع على النت كله بـ 120 دولار تعمل موقع زى ده و شغال بنفس الطريقة و تجيب اعلانات من النت و تقول معايا براندات و ماركات عالمية و قول اى كلام و هتلاقى السذج اللى يصدقوا !!



•• 2 •• الكذبة مبنية فى الاساس على إن سعر الاعلان عشان تشوفه 10 دولار، طبعا مفيش شركة بأى حال ممكن تدفع لحضرتك الرقم ده عشان تشوف اعلانها !
* لو انا شركة بيبسي مثلا و قررت اعمل اعلانات على النت، هلاقى سعر الاعلان على فيس بوك، للمشاهد الحقيقى اللى هيشوف الاعلان بالكامل هو 8 سنت .. يعنى 0.08 دولار .. يعن الـ 100 شخص يساوى 8 دولار ..
كمان الشركة مش بتقولك اديك فلووووس نهائى، لان لو فيها فلوس الناس كلها هتشوف اعلانات و السلام عشان تاخد فلوس، و الشركة تدفع على كل واحد 8 سنت و ده رقم كبييير جدا بالنسبة لها فى العدد الكبير.
فهل منطقى الشركة تدفع اكتر من 100 ضعف تمن الاعلان على فيس بوك العالمي لشركة مجهولة تماما !

>> جرب بنفسك تشوف سعر الاعلان على فيس بوك
http://www.facebook.com/ads/create

و نفس السعر تقريبا على AdWords و دى تابعة لجوجل ..
http://adwords.google.com/

دى مثلا صورة لحساب فى جوجل ادسنس المقابل لادوردز ..
" مش بتاعتى بس مجرد مثال" عشان نفهم اكتر ..
[URL="http://www.facebook.com/l.php?u=http%3A%2F%2Fwww.fadycoder.com%2FSample_Ad Sense.png&h=FAQEc44n8&s=1"]http://www.fadycoder.com/Sample_AdSense.png[/IMG]

الاعلان ظهر: 19339
الزيارات للموقع او الخدمة اللى اعلن عنها: 520 شخص
المكسب على الـ 520 = 100 دولار و 62 سنت
يعنى كل شخص: 19 سنت تقريبا
المثال ده لزوار اجانب مش مصريين و الشركات بتدفع عنهم مبالغ اكتر ..

يعنى مفيش اعلان بـ 10 دولار!
ده الويب ماركتنج اللى فى العالم كله .. بس فى مصر الناس متخيلة ان فى مليارات تايهة مع الشركات و عايزة توزعها على الناس !!



•• 3 •• الشركة محدش يعرف عنها حاجة تقريبا و هتلاقى التخبط فى كلام الناس الكبيرة، اللى يقول امريكية، كندية، برطانية، هندية و صاجبها استرالى !! و كلام كتير.
الشركة الجديدة GlobalAdMart سجلت النطاق بتاعها يوم 17/12/2012 و ممكن نتأكد من هنا
http://whois.domaintools.com/globaladmart.com

معلومات الشخص اللى سجل الشركة Private و مش متاحة لينا و ده مش طبيعى لأى شركة عالمية او حتى محلية طالما شغلها سليم و ممكن تعملها المواقع المعارضة عشان تخفى هويتها فقط ..

§§ الشركة العاااالمية بتاعتنا مسجلة فى الهند!! برأس مال 6 الاف دولار و مسجلة بالاسم القديم LocalAdClick
حاجة كده عاملة زى مصر لما شركات النصب تسجل او تسجيل.
http://www.fadycoder.com/GlobadAdMart.png

§§ الموقع القديم للشركة غير نشاطه نهائى و ظهر باسم جديد اسمه GlobadAdMart و مش مسجل زى الموقع الاول.
* التسجل القديم فى الهند و لكن عنوان الشركة : 90 الشارع الرئيسي، جزر فيرجن البيرطانية ... بالظبط زى لندن الدور التانى
§§ لا يوجد تليفون
§§ لا يوجد فاكس
§§ يوجد ايميل للشركة على شركة جديدة اسمها The Visim Group
موقعها مش شغال، و اتسجل يوم 26/1/2013
thevisimgroup.com
§§ بيقولوا ان الشركة كانت "لوكال" و غيرت اسمها لـ "جلوبال" لانها بقت عالمية .. و يقولك فى الوقت نفسه انه كان مشترك من ايام ما كانت لوكال !

اى حد يقولك المعلومة دى ... قوله "حمرا" .. سوري يعنى .. قوله و انت كنت مشترك فيها ازاى لما كانت "لوكال" ... ؟؟ و هل ممكن شركة "عالمية" زى ما بتقولوا كل شوية تغير اسمها !؟ و ايه هدف تغيير الاسم !!؟

المعلومات اللى فاتت ممكن نتأكد منها هنا
http://www.globaladmart.com/contactus.html

•• 4 •• زوار الموقع ده "او الشركة دى يعنى" 42% منهم من مصر، و 40% من السودان، و بعدها السعودية 9%، و الباقى دول فقيرة و من دول العالم التالت كلها و الثقافة فيها متدنيه جداا ..
§§ يعنى مفيش دول زى كندا، امريكا، اى دولة اوروبية .. او حتى بريطانيا اللى مقر الشركة فيها ..

و ممكن نتأكد من هنا
Site Profile and Search Rank
http://whois.domaintools.com/globaladmart.com


•• 5 •• مفيش حد استلم اى مبلغ من الشركة بصورة مباشرة، و التحويل البنكى فى حد ذاته مش شغال اصلا و بيقولوا ان الشركة هتفتح التحويلات قريب عشان يهدوا الناس، و مفيش اى حد معاه صورة تحويل بنكى من الشركة .. سواء للناس الصغيرة او القديمة و اللى ليها 6 او 7 شهور زى ما بيقولوا ...

حسب شروطهم اول 4 اسابيع مش ينفع تسحب فلوسك اصلا و بتتحجز كتأمين و لازم رصيدك يوصل لـ 500 دولار عشان تطلب تحويل المبلغ ..
و رسوم التحويل 30% و بعدها يتخصم 50% ضرايب !!
فانت محتاج 4 شهور على الاقل عشان توصل لاكتر من 500 دولار و هتقبض فى الشهر الخامس و بعد الخصم هتكتشف ان الـ 500 دولار هتاخدها 175 دولار لو طلبت تحويل بنكى ...
فالافضل ليك تاخدهم كاش من فلوس الناس اللى انت بتدخلها .. و ده يفهمك ان فلوسكم منكم فيكم و مفيش فلوس بتتحول اصلا من الشركة و العكس هو الصحيح انت اللى بتحول للشركة و هى اللى بتكسب !!



•• 6 •• دى اهم نقطة و هتفهم منها النصباية ماشية ازاى .. ***
- الناس بيكون عندها فى رصيدها ارباح وهمية و مش حقيقية و مفيش حد استلم "ربع جنيه" من الشركة زى ما شرحنا ..
و اتحدى طبعا حد يقول "ده تحويل بنكي" من الشركة ..

الناس اللى بتدخلك، لازم تقولك انا كسبت و مش تفهمك بالتفصيل ابداااا و بتقولك كده عشان تطمنك و تدخلك تحتها و تلم فلوسها.. لكن لو سألت على التفاصيل هتفهم الدنيا افضل ..
هو بيكون معاه رصيد على الاكاونت و معاه 10 "زباين" جايبهم تحته ، الشركة بتقوله لو عندك 1000 دولار مثلا فى رصيدك انت ممكن تطلع اكاونتات من عندك و تاخد فلوسها كاش لـشخصين × 500 = 1000 دولار
و تستلمها كاش من الزبون.
و فعلا هو يستلمها و يضربها فى جيبه و تتخصم من رصيده ..
يعني يفتح بيها اكاونت ليك و ياخد الفلوس كاش منك و باقى الـ 8 اشخاص يحول فلوسها للشركة 500×8 = 4000 دولار كسبتها الشركة ... و 1000 دولار ضربها فى جيبه و معانا دلوقت 10 زباين اتورطوا مع الشكة ...
يعنى هو كسب من فلووووسك انت .. و فلوس غيرك
و باقى الناس دفعت للشركة ..
الفلوس اللى قبضها منك و حطها فى جيبه .. يطلعها و يقولك "انا بكسب" ...
ايوة بيكسب من النصب عليك .. هو بيعتبر الفلوس دى كسبها من الشركة و "الشركة هى اللى دفعتله" .. لكن فى الاصل هو شغال "مندوب نصب" بياخد مبلغ فى جيبه و الباقى للشركة و يقولك جزء من الحقيقة "ان بيكسب من الشركة فعلا" .. و باقى الحقيقى مخفى ..

هو كسب ... ايوة،، ملاليم
الشركة كسبت ... ايوة،، ملايين
انت ... اتنصب عليك لان مفيش اصلا اعلانات بالارقام دى

ايه الحل !؟
اشتغل انا كمان نصاب و اجيب فلوسي عن طريق اجيب ناس تحتى عشان اخد عمولات و برصيد النقط اللى عندى اطلع اكاونتات و تعمل زى اللى قبلك ..

انت كسبت ... ايوة،، ملاليم
الشركة كسبت .. ايوة،، ملايين
الناس اللى بعدك ... ضحايا جداد ، مطلوب منهم يعملوا زيكم
لكن فجاة .... هتلاقى الشركة قفلت و فكت بالفلوس كلها ..

مين اللى اتنصب عليه؟؟؟ ... كلكم اتنصب عليكم !!
بس هتلاقى منكم اللى قرر يشتغل لحساب الشركة عشان يعوض خسارته و منكم اللى الشركة قفلت و فلوسه راحت و ما اخدتش حاجة ...

** يبقى انا لو عايز الم فلوسي كلها .. لازم اجيب ناس تحتى، و ناس كتير و من الفلوس الكاش اللى باخدها من اللى بعدى .. انا بلم فلوسي و بحقق مكاسب فعليه (من نصباية!) ..


** طيب فى ناس فعلا قبضت بعد الاسبوع الخامس و مش جابت حد تحتها و بتكون فعلا مش فاهمة، ازااااى الناس دى كسبت ؟؟
الناس مش دى بتكون مش كسبت بمعنى كسبت فلوسها و زيادة ... لا بيكون 50 او 100 دولار فى حين انها اصلا دفعت 500 ... ازاى ؟؟؟

بعد الاسبوع الخامس بتكسب اول 50 دولا و تطلب من الاب لاينز فلوسك فيقولك ماشى، و ممكن الاسبوع اللى بعده و اللى بعده ... لكن بالكتير 3 اسابيع = 150 دولار فى حين انك دفعت 500 دولار
لكن لو استمريت مش تجيب ناس، الاب لاينز بيرفض ياخد منك الرصيد و يدفعلك كاش لان كده انت قربت تلم فلوسك و مش جايب حد يعوض الفلوس اللى بتدفعلك !


ركز و هتفهم النقطة دى ... فلوسكم منكم فيكم !!
يعنى مفيش فلوس بتحولها الشركة .. الفلوس كلها انتوا اللى دافعينها .. منكم حد بيكسب شوية .. و حد بيخسر ... لكن الشركة هى اللى على طول كسبانة لحد ما تختفى خالص بالفلوس ...



•• 7 •• طبعا الناس الكبيرة بس اللى فى الشركة (الشركة الوهم) هى اللى بتكسب من العمولات و الفلوس اللى داخلة من الناس الجديدة ... و بتستغل نصب الشركة فى النصب على ناس جديدة و تقولك: مش انا اللى عامل الموقع اصلا ..

فهو بيكسب فعلا لان الشجرة شغالة تكبر بسرعة و محدش اخد الـ 500 دولار اللى دفعها اصلا .. و بعد ما موقع الشركة فجأة يختفى و الناس تعرف انها نصب .. اخر ناس فى الشجرة مش هتلحق حتى تقبض اسبوع واحد و الموضوع كله يقف و الناس كبيرة بس اللى معاها الفلوس هى اللى كسبت من المبالغ اللى جمعتها حتى لو حولت اجزاء منها للشركة ..





اخر كلمتين ...
****************

لو انت من بتوع "التجارة مخاطرة" .. مفيش بيزنس زيرو ريسك ..
فاقولك مبروك ..انت مصري صميم، انت الشخص اللى بيدوروا عليه و 3500 جنيه بتوعك حلال على الشركة طالما انت فكرت كده ..


الخلاصة ...
****************
الخلاصة ان ده تسول شبكي، مش تسويق شبكى ..
و مش شغال غير فى مصر و دول العالم التالت المتخلفة اللى ممكن تصدق الكلام ده ... يعنى كيو نت مثلا، مصر رقم 1 فيها !! و مع ذلك احنا قدام نصباية حقيقية ممكن تدمر اقتصاد دولة كاملة من حجم الدولارات اللى بتخرج للشركة دى او حتى غيرها ...

لو انت مشترك معاهم او مع غيرهم .. فبما انك ما قبضتش حاجة من الشركة (بتحويل بنكى شوفته بعينك) اسكت شوية و انتظر لحد ما تتاكد انهم نصابين بنفسك او تقبض منهم (ابقى قابلنى!) ... لان بكلامك عن الشركة انت كده شغال مندب لشركة نصب للشركة ببلاش و بتستغل اسم الشركة عشان تلم فلوسك من الناس من النقط اللى عندك و تطلع اكاونتات لانك مش عارف تاخد فلوسك ..

لو انت لسه مش مشترك، اعتقد الكلام اللى فوق يفيدك، و لو انت حابب تجرب و من بتوع "التجارة مخاطرة" فانت حر و اعتقادى انك فاهم انها نصباية بس مش شايف مشكلة فى الموضوع ده طالما بتكسب .. انصحك بقى الخطوة اللى جايةة تتاجر فى اصناف تانية زى الحشيش مثلا !

[mr_scorpionman]

ده رد الاخ Fady Onsy Amin فى بوست ليه ونشره على الفيس بوكك



النصب كتير، مرة كيو نت، و مرة اوبيس .. و المرة دى جلوبال اد مارت ..
بس النصباية المرة ادى --(( أكبر ))-- من اى نصبة لأن مفيش شركة اصلا!!، و فى ناس عاملة ناصحة اوى و متخيلة انها هتكسب منها و مش عاااارفة انه ممكن فجأة الشركة تقفل على صباعها !! و تخسر فلوسها !! و المكسب اللى شوفته ده شوية فكة من الفلوس اللى انت دفعتها اصلا !! ...
ايوة الشركة هتقفل على صباعك و انت اللى هتخسر و الشركة مش هتعيش اسبوعين تلاتة على بعض ...

النصباية فكاهية جدااا و لكن بيقدموا كلام مقنع ظاهريا و لكن مبنى على معلومات غلط × غلط للى يدور ورا كل معلومة زى اى نصباية فى الدنيا ..
و عشان حرام يضحك عليك، او حتى تورط غيرك فى نصبايه او حتى تكسب فلوس حرام و تقول "انا مالي" و تدعى البراءة و انت عارف اللى فيها .. و فجأة لما الشركة تقفل تلاقى الناس تحت بيتك عايزه فلوسها و تقولك : انزل يا نصاااااااب .. تعالالنا!!

<<<< جو اكشن بس هيحصل والله
هتتقطع !!! الناس مش هتسيبك، انا حذرتك اهو !!


النصباية باختصااااار شديد و ايجاز ..
واحد نصاب هندى (ياريته حتى يابانى و لا تايوانى عشان يعيش !!) لسه فى 3 اعدادى ضحك على مصر كلها و شغلهم مناديب عنده.
و كل مندوب كبير هو نصاب كبير مشغل نصابين صغيرين تحته، و النصابين الصغيرين تحتهم نصابين كمان و هكذا شجرة كبيرة جداا ..
النصاب الصغير اللى تحت النصاب الكبير، ده بيجيب مثلا 5 اشخاص عشان يشتركوا و ياخد منهم 500 دولار !! يعنى 3500 جنيه مصري .. 5×3500 = 17,500 جنيه .. ياخد هو عمولته 5 الاف جنيه من النصباية و يحول للنصاب الكبير بتاعه الباقى ..
و يقولك هتكسب كل اسبوع 50 دولار بس لازم تنتظر شهر فى الاول ما تقبضش حاجة .. تيجى انت تطلب فلوس اعلانات بعد 5 اسابيع من الانتظار، ممكن يدفعلك مرة او اتنين، يديك مثلا 300 جنيه من الـ 3500 جنيه اللى انت دفعتها .. لو طلبت كذا مرة فلوس .. يقولك: لا، لازم تشتغل و تجيب ناس لان كده انت ممكن تلم فلوسك و انت مش جايب حد يتنصب عليه .. فلازم تاكل من عرق نصبك على الناس :] .. لكن محدش هيصرف عليك و لا يرجعلك فلوسك ..

يعنى عشان تكمل معانا، لازم تنصب ...
عشان تاخد فلوسك، لازم تنصب ...
و لو كملت معاهم و قررت انك تنصب، بتكسب من النصب على الناس و تاخد عمولة و تحول للنصاب اللى فوقيك .. و هكذا ..


الشركة بتاعتنا المرة دى اسمها GlobalAdMart او LocalAdClick او GlobadAdWorld و بتغير اسمها كل فترة .. و ظهرت فى شهر 10 باسم "لوكال اد كليك" و غيرت اسمها فى شهر 1 و بقت "جلوبال اد مارت" .. المهم بتدفع فيها 500 او 900 او 1300 دولار .. عشان تفتح حساب و بتكسب شهريا 200 او 400 او 600 دولار شهريا على حسب ما دفعت فى الاول ..
و غالبا الناس بتطمع و تدخل باكاونت تريبل بـ 1300 دولار عشان يكسب الـ 600 دولار شهريا ..

<<<< ناس طيبة اوى والله يا خال

و بتبدأ تشوف 60 اعلان فى الشهر. مدة كل اعلان 30 ثانية يعنى محتاج 30 دقيقة عشان تكسب اكتر من 4000 جنيه شهريا !! غير باقى افراد العيلة لو اشتركت انت و اخوك و اختك و باباك و مامتك و هكذا + كمان لو جبت ناس تحتك تاخد منها عمولات و غيرها كتيييير ...

احنا بنتكلم عن 12 او 16 الف جنيه على الاقل ممكن تدفعهالك شركات الاعلانات (بيبسيى و المراعى و شيبسي و HP و Dell و هيونداى و هكذا ..) عشان تشوف بس اعلاناتها .. كفاية تشوف الاعلان مش تشتري

>>>>> يعنى وليد اللى فى اولى ثانوي فى قرية "ابو الوزاويز" شركة نستلة او المراعى هتدفعله 1400 جنيه على الاقل عشان يشوف اعلانات .. فيقرر وليد انه يروح يشترى زباد، فيكتشف ان مفيش سوبر ماركت اصلا فى بلدهم!
مع احترامى طبعاً للناس كلها، بس دى نكتة و لازم تضحك !!!
فييييييين ام الجدوى الاقتصادية من الاعلان عشان الشركة تدفع !!!!؟

الكلام فكاااهى و كوميدى جدا ..و يثير الف سؤال و سؤال جواك .. لكن النصاب لازم يقدم مبررات قوية بدون معلومة سليمة تبدأ انه يقنعك انه ممكن تكون فى شركات اصلا تقبل تدفع الارقام دى عشان تشوف اعلاناتها و يبدأ بالكلام عن إن اعلان التليفيزيون الشركة بتدفع فيه و محدش بيشوفه و عشان كده قررتت تروح تعمل اعلانها بالشكل الساذج ده، و كمان يوريك ناس بدأت تكسب فعلا .. !


و الدليل المبدئى: ان الشركة مش فاتحة التحويل البنكى اصلا لحد دلوقت!! على الرغم ان ليها سنين على حسب كلامهم .. يعنى شركة قديمة المفروض و تكون حولت مليارات الدولارات لمصر فى السنين اللى فاتت ...


**********************************
شوية ملاحظات مهمة جدااااا .. اقراها كويس و هتفهم ان مفيش شركة اصلا ... و الكلام كله موثق، اللى يقولك كلام مختلف طالبه بعكس الكلام اللى هنا ...
**********************************

اقرا كلامى، كذا مرة و اديله درجة مصداقية 0% و ارجع دور فى النت و اتاكد منه ..

اسئلة فى السريع ؟
* ازاى الشركة تدفعلى 10 دولار عشان اشوف اعلان؟ مش كتير ؟

* انا كده ممكن اكسب من بيبسيى وحدها 350 جنيه فى الشهر و انا لو هشرب بيبسي كل يوم مش هدفع 30 جنيه اخر الشهر ! و كمان مش هشرب كل يوم ..

* ليه الشركة مش تدفعلى على طول؟ ليه لازم ادفع 500 دولار دمغة مثلا !؟ انا موافق اكسب 1 دولار على الاعلان و ما ادفعش حاجة.

* حتى لو انا راجل على قدى خااالص و مش معايا .. هستلف الـ 500 دولار و انطلق بعدها و ابقى راجل مرتاح!! و انا بتفرج على اعلان و باخده ببلاش كمان!

* ازاى كل بيت ممكن يحقق اكتر من 15 الف جنيه كل شهر يعنى 2400 دولار، الناس هتبطل تشتغل و تاخد فلوسها من الشركة و تروح تشترى بيها المنتج اللى دفعتلنا الشركة فلوسه و بزيادة كمان

* ليه اصلا 10 دولار مش 100 دولار مثلا للاعلان !!؟ او حتى نص دولار .. اشمعنا 10 دولار !!؟

* لو افترضنا ان مصر فيها مليون شخص فقط اشترك، و هيشتركوا فى اقل حاجة اللى هى 200 دولار و محدش هيجيب حدا و مفيش عمولات، يبقى الشركة هتدفع 200 مليون دولار شهريا! ازااااى !!؟ ازاى تدفع 2.4 مليار دولار فى السنة !!!؟
و احنا هنموت على 4 مليار دولار من صندوق النقد لينا سنة !!

* مصر كلها مش لاقية تاكل اصلا .. يعنى اتوقع اصلا 92 مليون مشترك، يعنى كده الشركة تدفع لينا 220 مليار دولار فى السنة !! و ده اكبر اصلا من الناتج المحلى الاجمالى لمصر اللى هو 215 مليار دولار !!
http://ar.wikipedia.org/wiki/مصر

مجرد اسئلة يفكر فيها اى عاقل !!


تعالوا بقى اكلمكم فى الكلام اللى انا افهمه من خبرة 8 سنين فى الويب ماركتنج و غيري يفهمه من اللى شغال فى المجال ده ..


•• 1 •• اولاً من الحاجات الظريفة اللى فى الشركة
§§ السيرفر و الموقع بيقع بالايام و يقولوا صيانة، و اعتقد دى كفاية انك تقتنع انها شركة من منازلهم
₪¤₪ المفاجأة بقى اللى اكتشفتها، ان صاحب الموقع لسه محتفظ بالموقع القديم على الموقع الجديد، شوف من هنا http://www.globaladmart.com/new/
و ده طبعا مش شغل شركات اصلا !! دى غلطات ساذجة جدا لان اللى بيدير الموقع شخص واحد اعتقد انه فى 3 اعدادى مثلا !!
§§ صاحب الموقع الساذج، واخد لوجو من موقع قديم اسمه IMS Global
http://www.imsglobal.org/
مش هاين عليه يعمل لوجو لنفسه !!
§§ تغيير اسم الموقع كل شوية دليل على التهرب بعد ما نصب على السعوديين من فترة
§§ لو حاولت تعمل اعلان هتلاقى الصفحة بايظة، جرب من هنا
[IMG]http://www.globaladmart.com/contactus.html[/URL]
و ده تهريج لايمكن تلاقيه فى موقع ابو الليف حتى !!
§§ فى اخطاء كتيرة فى اللينكات اللى علي شمال الشاشة و انت داخل، و تصميم الموقع ستامبة جاهزة بما فيه السيستم بتاع الموقع بيتباع على النت كله بـ 120 دولار تعمل موقع زى ده و شغال بنفس الطريقة و تجيب اعلانات من النت و تقول معايا براندات و ماركات عالمية و قول اى كلام و هتلاقى السذج اللى يصدقوا !!



•• 2 •• الكذبة مبنية فى الاساس على إن سعر الاعلان عشان تشوفه 10 دولار، طبعا مفيش شركة بأى حال ممكن تدفع لحضرتك الرقم ده عشان تشوف اعلانها !
* لو انا شركة بيبسي مثلا و قررت اعمل اعلانات على النت، هلاقى سعر الاعلان على فيس بوك، للمشاهد الحقيقى اللى هيشوف الاعلان بالكامل هو 8 سنت .. يعنى 0.08 دولار .. يعن الـ 100 شخص يساوى 8 دولار ..
كمان الشركة مش بتقولك اديك فلووووس نهائى، لان لو فيها فلوس الناس كلها هتشوف اعلانات و السلام عشان تاخد فلوس، و الشركة تدفع على كل واحد 8 سنت و ده رقم كبييير جدا بالنسبة لها فى العدد الكبير.
فهل منطقى الشركة تدفع اكتر من 100 ضعف تمن الاعلان على فيس بوك العالمي لشركة مجهولة تماما !

>> جرب بنفسك تشوف سعر الاعلان على فيس بوك
http://www.facebook.com/ads/create

و نفس السعر تقريبا على AdWords و دى تابعة لجوجل ..
http://adwords.google.com/

دى مثلا صورة لحساب فى جوجل ادسنس المقابل لادوردز ..
" مش بتاعتى بس مجرد مثال" عشان نفهم اكتر ..
[URL="http://www.facebook.com/l.php?u=http%3A%2F%2Fwww.fadycoder.com%2FSample_Ad Sense.png&h=FAQEc44n8&s=1"]http://www.fadycoder.com/Sample_AdSense.png[/IMG]

الاعلان ظهر: 19339
الزيارات للموقع او الخدمة اللى اعلن عنها: 520 شخص
المكسب على الـ 520 = 100 دولار و 62 سنت
يعنى كل شخص: 19 سنت تقريبا
المثال ده لزوار اجانب مش مصريين و الشركات بتدفع عنهم مبالغ اكتر ..

يعنى مفيش اعلان بـ 10 دولار!
ده الويب ماركتنج اللى فى العالم كله .. بس فى مصر الناس متخيلة ان فى مليارات تايهة مع الشركات و عايزة توزعها على الناس !!



•• 3 •• الشركة محدش يعرف عنها حاجة تقريبا و هتلاقى التخبط فى كلام الناس الكبيرة، اللى يقول امريكية، كندية، برطانية، هندية و صاجبها استرالى !! و كلام كتير.
الشركة الجديدة GlobalAdMart سجلت النطاق بتاعها يوم 17/12/2012 و ممكن نتأكد من هنا
http://whois.domaintools.com/globaladmart.com

معلومات الشخص اللى سجل الشركة Private و مش متاحة لينا و ده مش طبيعى لأى شركة عالمية او حتى محلية طالما شغلها سليم و ممكن تعملها المواقع المعارضة عشان تخفى هويتها فقط ..

§§ الشركة العاااالمية بتاعتنا مسجلة فى الهند!! برأس مال 6 الاف دولار و مسجلة بالاسم القديم LocalAdClick
حاجة كده عاملة زى مصر لما شركات النصب تسجل او تسجيل.
http://www.fadycoder.com/GlobadAdMart.png

§§ الموقع القديم للشركة غير نشاطه نهائى و ظهر باسم جديد اسمه GlobadAdMart و مش مسجل زى الموقع الاول.
* التسجل القديم فى الهند و لكن عنوان الشركة : 90 الشارع الرئيسي، جزر فيرجن البيرطانية ... بالظبط زى لندن الدور التانى
§§ لا يوجد تليفون
§§ لا يوجد فاكس
§§ يوجد ايميل للشركة على شركة جديدة اسمها The Visim Group
موقعها مش شغال، و اتسجل يوم 26/1/2013
thevisimgroup.com
§§ بيقولوا ان الشركة كانت "لوكال" و غيرت اسمها لـ "جلوبال" لانها بقت عالمية .. و يقولك فى الوقت نفسه انه كان مشترك من ايام ما كانت لوكال !

اى حد يقولك المعلومة دى ... قوله "حمرا" .. سوري يعنى .. قوله و انت كنت مشترك فيها ازاى لما كانت "لوكال" ... ؟؟ و هل ممكن شركة "عالمية" زى ما بتقولوا كل شوية تغير اسمها !؟ و ايه هدف تغيير الاسم !!؟

المعلومات اللى فاتت ممكن نتأكد منها هنا
http://www.globaladmart.com/contactus.html

•• 4 •• زوار الموقع ده "او الشركة دى يعنى" 42% منهم من مصر، و 40% من السودان، و بعدها السعودية 9%، و الباقى دول فقيرة و من دول العالم التالت كلها و الثقافة فيها متدنيه جداا ..
§§ يعنى مفيش دول زى كندا، امريكا، اى دولة اوروبية .. او حتى بريطانيا اللى مقر الشركة فيها ..

و ممكن نتأكد من هنا
Site Profile and Search Rank
http://whois.domaintools.com/globaladmart.com


•• 5 •• مفيش حد استلم اى مبلغ من الشركة بصورة مباشرة، و التحويل البنكى فى حد ذاته مش شغال اصلا و بيقولوا ان الشركة هتفتح التحويلات قريب عشان يهدوا الناس، و مفيش اى حد معاه صورة تحويل بنكى من الشركة .. سواء للناس الصغيرة او القديمة و اللى ليها 6 او 7 شهور زى ما بيقولوا ...

حسب شروطهم اول 4 اسابيع مش ينفع تسحب فلوسك اصلا و بتتحجز كتأمين و لازم رصيدك يوصل لـ 500 دولار عشان تطلب تحويل المبلغ ..
و رسوم التحويل 30% و بعدها يتخصم 50% ضرايب !!
فانت محتاج 4 شهور على الاقل عشان توصل لاكتر من 500 دولار و هتقبض فى الشهر الخامس و بعد الخصم هتكتشف ان الـ 500 دولار هتاخدها 175 دولار لو طلبت تحويل بنكى ...
فالافضل ليك تاخدهم كاش من فلوس الناس اللى انت بتدخلها .. و ده يفهمك ان فلوسكم منكم فيكم و مفيش فلوس بتتحول اصلا من الشركة و العكس هو الصحيح انت اللى بتحول للشركة و هى اللى بتكسب !!



•• 6 •• دى اهم نقطة و هتفهم منها النصباية ماشية ازاى .. ***
- الناس بيكون عندها فى رصيدها ارباح وهمية و مش حقيقية و مفيش حد استلم "ربع جنيه" من الشركة زى ما شرحنا ..
و اتحدى طبعا حد يقول "ده تحويل بنكي" من الشركة ..

الناس اللى بتدخلك، لازم تقولك انا كسبت و مش تفهمك بالتفصيل ابداااا و بتقولك كده عشان تطمنك و تدخلك تحتها و تلم فلوسها.. لكن لو سألت على التفاصيل هتفهم الدنيا افضل ..
هو بيكون معاه رصيد على الاكاونت و معاه 10 "زباين" جايبهم تحته ، الشركة بتقوله لو عندك 1000 دولار مثلا فى رصيدك انت ممكن تطلع اكاونتات من عندك و تاخد فلوسها كاش لـشخصين × 500 = 1000 دولار
و تستلمها كاش من الزبون.
و فعلا هو يستلمها و يضربها فى جيبه و تتخصم من رصيده ..
يعني يفتح بيها اكاونت ليك و ياخد الفلوس كاش منك و باقى الـ 8 اشخاص يحول فلوسها للشركة 500×8 = 4000 دولار كسبتها الشركة ... و 1000 دولار ضربها فى جيبه و معانا دلوقت 10 زباين اتورطوا مع الشكة ...
يعنى هو كسب من فلووووسك انت .. و فلوس غيرك
و باقى الناس دفعت للشركة ..
الفلوس اللى قبضها منك و حطها فى جيبه .. يطلعها و يقولك "انا بكسب" ...
ايوة بيكسب من النصب عليك .. هو بيعتبر الفلوس دى كسبها من الشركة و "الشركة هى اللى دفعتله" .. لكن فى الاصل هو شغال "مندوب نصب" بياخد مبلغ فى جيبه و الباقى للشركة و يقولك جزء من الحقيقة "ان بيكسب من الشركة فعلا" .. و باقى الحقيقى مخفى ..

هو كسب ... ايوة،، ملاليم
الشركة كسبت ... ايوة،، ملايين
انت ... اتنصب عليك لان مفيش اصلا اعلانات بالارقام دى

ايه الحل !؟
اشتغل انا كمان نصاب و اجيب فلوسي عن طريق اجيب ناس تحتى عشان اخد عمولات و برصيد النقط اللى عندى اطلع اكاونتات و تعمل زى اللى قبلك ..

انت كسبت ... ايوة،، ملاليم
الشركة كسبت .. ايوة،، ملايين
الناس اللى بعدك ... ضحايا جداد ، مطلوب منهم يعملوا زيكم
لكن فجاة .... هتلاقى الشركة قفلت و فكت بالفلوس كلها ..

مين اللى اتنصب عليه؟؟؟ ... كلكم اتنصب عليكم !!
بس هتلاقى منكم اللى قرر يشتغل لحساب الشركة عشان يعوض خسارته و منكم اللى الشركة قفلت و فلوسه راحت و ما اخدتش حاجة ...

** يبقى انا لو عايز الم فلوسي كلها .. لازم اجيب ناس تحتى، و ناس كتير و من الفلوس الكاش اللى باخدها من اللى بعدى .. انا بلم فلوسي و بحقق مكاسب فعليه (من نصباية!) ..


** طيب فى ناس فعلا قبضت بعد الاسبوع الخامس و مش جابت حد تحتها و بتكون فعلا مش فاهمة، ازااااى الناس دى كسبت ؟؟
الناس مش دى بتكون مش كسبت بمعنى كسبت فلوسها و زيادة ... لا بيكون 50 او 100 دولار فى حين انها اصلا دفعت 500 ... ازاى ؟؟؟

بعد الاسبوع الخامس بتكسب اول 50 دولا و تطلب من الاب لاينز فلوسك فيقولك ماشى، و ممكن الاسبوع اللى بعده و اللى بعده ... لكن بالكتير 3 اسابيع = 150 دولار فى حين انك دفعت 500 دولار
لكن لو استمريت مش تجيب ناس، الاب لاينز بيرفض ياخد منك الرصيد و يدفعلك كاش لان كده انت قربت تلم فلوسك و مش جايب حد يعوض الفلوس اللى بتدفعلك !


ركز و هتفهم النقطة دى ... فلوسكم منكم فيكم !!
يعنى مفيش فلوس بتحولها الشركة .. الفلوس كلها انتوا اللى دافعينها .. منكم حد بيكسب شوية .. و حد بيخسر ... لكن الشركة هى اللى على طول كسبانة لحد ما تختفى خالص بالفلوس ...



•• 7 •• طبعا الناس الكبيرة بس اللى فى الشركة (الشركة الوهم) هى اللى بتكسب من العمولات و الفلوس اللى داخلة من الناس الجديدة ... و بتستغل نصب الشركة فى النصب على ناس جديدة و تقولك: مش انا اللى عامل الموقع اصلا ..

فهو بيكسب فعلا لان الشجرة شغالة تكبر بسرعة و محدش اخد الـ 500 دولار اللى دفعها اصلا .. و بعد ما موقع الشركة فجأة يختفى و الناس تعرف انها نصب .. اخر ناس فى الشجرة مش هتلحق حتى تقبض اسبوع واحد و الموضوع كله يقف و الناس كبيرة بس اللى معاها الفلوس هى اللى كسبت من المبالغ اللى جمعتها حتى لو حولت اجزاء منها للشركة ..





اخر كلمتين ...
****************

لو انت من بتوع "التجارة مخاطرة" .. مفيش بيزنس زيرو ريسك ..
فاقولك مبروك ..انت مصري صميم، انت الشخص اللى بيدوروا عليه و 3500 جنيه بتوعك حلال على الشركة طالما انت فكرت كده ..


الخلاصة ...
****************
الخلاصة ان ده تسول شبكي، مش تسويق شبكى ..
و مش شغال غير فى مصر و دول العالم التالت المتخلفة اللى ممكن تصدق الكلام ده ... يعنى كيو نت مثلا، مصر رقم 1 فيها !! و مع ذلك احنا قدام نصباية حقيقية ممكن تدمر اقتصاد دولة كاملة من حجم الدولارات اللى بتخرج للشركة دى او حتى غيرها ...

لو انت مشترك معاهم او مع غيرهم .. فبما انك ما قبضتش حاجة من الشركة (بتحويل بنكى شوفته بعينك) اسكت شوية و انتظر لحد ما تتاكد انهم نصابين بنفسك او تقبض منهم (ابقى قابلنى!) ... لان بكلامك عن الشركة انت كده شغال مندب لشركة نصب للشركة ببلاش و بتستغل اسم الشركة عشان تلم فلوسك من الناس من النقط اللى عندك و تطلع اكاونتات لانك مش عارف تاخد فلوسك ..

لو انت لسه مش مشترك، اعتقد الكلام اللى فوق يفيدك، و لو انت حابب تجرب و من بتوع "التجارة مخاطرة" فانت حر و اعتقادى انك فاهم انها نصباية بس مش شايف مشكلة فى الموضوع ده طالما بتكسب .. انصحك بقى الخطوة اللى جايةة تتاجر فى اصناف تانية زى الحشيش مثلا !